نصائح مهمة للمقابلات القضائية

Mego
Site Admin
مشاركات: 188
اشترك في: 22 أكتوبر 2013, 01:39

نصائح مهمة للمقابلات القضائية

مشاركةبواسطة Mego » 02 يناير 2014, 02:10

نصائح مهمة للمقابلات القضائية :
اولا ـ لازم تعمل حسابك تكون هناك قبل ميعادك مش اقل من ساعة .
ثانيا ـ اول ماتخرج من بيتكم لغاية اما ترجع البيت فى نفس اليوم عيش الدور انت وهى وكأنك حصلت فعلا علي الوظيفة وخليك واثق في نفسك، يعنى ممنوع الهزار ، او الكلام بصوت عالى ، والحاجات التانية بقى اللى انتو عارفينها .
ثانيا ـ الدخول بيكون علي حسب الهيئة فردين او 3 او 5 علي حسب النظام وقتها .... اول ما تدخلو على اللجنة هتكونو مترتبين على حسب الكشف اللى ادامهم ، وكل واحد يفضل واقف ادام الكرسى بتاعة لغاية لما حد من السادة المستشارين يأذن ليكم بالجلوس على حسب ترتيبكم ، واول ما ينادو عليك بأسمك للتأكد من الترتيب ترفع ايدك رفعة خفيفة وتقول "افندم " بصوت هادى ، وبالنسبة للرجالة ماتفتحش زرار البدلة الا بعد ماتسمع كلمة اتفضلو اقعدو .
ثالثا ـ ماتتكلمش الا لما حد من السادة المستشارين يأذن ليك بالكلام ، وكل واحد بيتسئل سؤال وممكن سؤالين وممكن ثلاثة وممكن اكثر ، واجابتك تكون على اد السؤال فقط ، وماتحاولش تتفزلك فى الاجابة لو ماتعرفش قول بكل ثقة مش عارف اجابة السؤال او الاجابة مش حاضرة فى ذهنى .
رابعا ـ اهم حاجة فى كل دة ثقتك بنفسك ومظهرك الخارجى . يعنى تظبط البدلة التمام ، وروح قبلها بيوم عند حلاق يظبطلك شعرك ، وحاول تبعد عن البدل الاسبانى الضيقة اوى والكارفت الرفيعة .. وماتنسوش بقى التناسق فى الالوان للبدلة والقميص والكارفت

اما البنات :
يستحسن يكون اللبس بدلة حريمى كلاسيك ، ..و المكياج بقى يكون حاجة خفيفة يعنى تحديد ملامح الوش بس .

بالتوفيق للجميع

العودة إلى “منتدى الوظائف”

الموجودون الآن

المستخدمون الذين يتصفحون المنتدى الآن: لا يوجد أعضاء مسجلين متصلين وزائر واحد