معلومات هامّة بخُصوص التقديم في مجلس الدولة 2014

Mego
Site Admin
مشاركات: 188
اشترك في: 22 أكتوبر 2013, 01:39

معلومات هامّة بخُصوص التقديم في مجلس الدولة 2014

مشاركةبواسطة Mego » 02 يناير 2014, 02:07

معلومات هامّة بخُصوص التقديم في مجلس الدولة :-

1- ، هيكون فيه توقيتات لكُل جامعة على حدة.
2- في حال عدم التواجُد في اليوم المُخصّص، بيكون فيه يوم للتخلّفات.
3- المجلس في دُفعة 2011 أخد عدد قليّل جداً، واقتصر على أوائل الدفعات، وأبناء المُستشارين من داخل المجلس والحاصلين على جيّد فقط لا غير، فمن البداية يكون ما بعد الأوّل في شُعبة اللّغة العربيّة والإنجليزيّة، عارف إن الفُرصة ضعيفة.
4- بعد شرا الملف، ضروري جداً يتم قراءتُه بشكل جيّد، وفي كشكول خارجي ملء فراغاتُه من غير ما يُخَط في الملف بأيّ شيء، وتكون المعلومات الواردة في الكشكول الخارجي صحيحة 100%، ودي الخطوة الأُولى.
5- الخطوة التانية والأهم، محدّش فينا يكتب أيّ شيء من البيانات دي، ولكن يحاول يستقدم عُضو هيئة قضائيّة "ثقة" ويا حبّذا لو من مجلس الدولة نفسُه، ويخلّيه يكتبهولُه بخط إيدُه -إلا لو كان خطّه وحش طبعاً- لأن فيه حاجات مش بتتكتب كُلّها، وفيه حاجات بتتكتب مع زيادات طفيفة، وفيه حاجات تانية بتتكتب بشكل مُختلف وتوصّل لنفس المعنى، والتفاصيل دي مش هيكون مُحيط بيها غير حد شاف بنفسُه اللي حصل مع ملفّه وملف غيرُه إلى أن وصل إلى ما وصل إليه.
6- اللي معندوش أيّ اختلاط بأعضاء سُلطة قضائيّة، يحاول عن طريق واحد صاحبُه "ثقة" يعرف، إيه بالظبط يتكتب في بُنود كذا وإيه ميتكتبش، كقواعد عامّة يعني يسهُل من خلالها التطبيق على الورق.
7- يُرجى أثناء الكتابة إنها تكون بخط مُميّز، وبتنظيم جيّد، ومن دون أيّ كشط نهائياً.
>> أخيراً، المجلس هو الهيئة القضائيّة الأعلى من حيث الكفاءات -والنيابة العامّة الأعلى من حيث السلطة- ولكنه الأصعب من حيث التعيين، فمن دلوقتي نكون بنعمل اللي علينا ونتوكّل على الله في الأُولى والآخرة.
ربّنا يوفّقنا جميعاً، ويُولّي فينا مَن يُصلِح.

Mego
Site Admin
مشاركات: 188
اشترك في: 22 أكتوبر 2013, 01:39

Re: معلومات هامّة بخُصوص التقديم في مجلس الدولة 2014

مشاركةبواسطة Mego » 02 يناير 2014, 02:07

بخصوص مجلس الدولة :
سوال: هي كل جامعة ليها نسبة معينة من عدد المقبولين؟وهل المجلس بياخد الاوائل بالترتيب ؟

الاجابة :المجلس غالبا بياخد الخمسة الاوائل من كل كلية
وعين شمس 2011 واخد 28 واحد من الاوائل
فعلى حسب مستوى كل كلية
وعلى حسب تشكيل المجلس الخاص


العودة إلى “منتدى الوظائف”

الموجودون الآن

المستخدمون الذين يتصفحون المنتدى الآن: لا يوجد أعضاء مسجلين متصلين و 0 زائر